Ndërroi jetë Patriku ortodoks rumun Teoktist, nismëtar i ekumenizmit.
(01.08.2007 RV)Kreu i Sinodit
të Shenjtë të Kishës ortodokse rumune, 92 vjeç, vdiq pas një operacioni në zemër,
që u shoqërua me ndërlikime të tjera. Kishës rumune vijonë t’i arrijnë shumë telegrame
ngushëllimi. Ndërmjet tyre, telegrami i Patriarkanës së Moskës, në të cilin vdekja
e Teoktistit konsiderohet humbje e rëndë për ortodoksinë universale dhe kujtohet se
patriku ishte veteran i dialogut ndërmjet kishave, por edhe ndërmjet feve të ndryshme.
Duhet pohuar se Patriku Teoktist jetoi në një kohë kur Kisha ortodokse në Rumani kalonte
ditë të vështira, e megjithatë ai vijoi të punonte për dialogun, gjë që thelloi frymën
e bashkimit ndërmjet të krishterëve. Mjafton të kujtojmë pritjen që i bëri Gjon Palit
II në Rumani, në maj të vitit 1999.