18 vjet më parë vdiq Dom Pjetër Gruda, Martir i Fesë gjatë persekutimit nga diktatura
komuniste.
(01.07.2007 RV)Lindi në Grudë (Jugosllavi) më 1 gusht 1922. Studimet e mesme
i kreu në Kolegjën saveriane. Meshën e parë e çoi më 1946. Që nga ky vit u emërua
famullitar në Shkrel, prej nga u transferua në Sheldi, ku qëndroi deri në vitin 1967,
kur u mbyllen Kishat. Pas mbylljes së institucioneve fetare, punoi si punëtor krahu
në Ndërmarrjen Bujqësore të Bushatit. Qe meshtar i formuar dhe artist i talentuar
i arit skenik. Do të ishte bërë regjisor i njohur, po të mos i ndërpritej brutalisht
krijimtaria. Vuri në skenë shumë pjesë teatrore, ndërmjet të cilave dramën "Flije
Atdheut". U arrestua ndërsa shërbente në Bushat, prej nga, më 13 janar 1989 u dërgua
me duar të lidhura në Ballsh të Sarandës, qytet në burgun e të cilit vdiq më 13 janar
1989, tre muaj para amnistisë së klerikëve. Në kishën e Shkrelit është vendosur një
pllakë përkujtimore, ku lexohet emri i tij dhe ai i dom Ndrë Zadejës, posht të cilëve
- shënimi "Martir i Fesë".