Дзярсакратару ЗША Кандалізе Райс Біскупская Канферэнцыя краіны накіравала ліст.
У ім - неспакой з нагоды сітуацыі з іракскімі ўцекачамі.
Ён стаўся крыкам болю пасля таго, як ньюйоркскі Кардынал Макарык і біскуп Брукліна
(Нью-Йорк) Ніколас Ніколас Дзімарціо наведалі Турцыю, Лібан, Ярданію і Сірыю. Біскупы
вялікай Амерыкі заявілі аб неабходнасці актывізацыі дапамогі ЗША іракскім уцекачам.
У прыватнасці, каталіцкія святаслужыцелі указваюць, што такой дапамогі чакаюць краіны,
што прымаюць няшчасных людзей, выкінутых з краіны бясконцых канфліктаў. "Без актыўнага
ўдзелу ЗША і пыдтрымкі іншых краін свету існуе перасцярога , што краіны-суседзі не
будуць у стане прымаць і абараняць на сваіх тэрыторыях уцекачыў.Асабліва, калі пагоршыцца
сітуацыя ў Іраку і яшчэ больш людзей будуць прымушаныя кідаць свае хаты",- гаворыцца
ў закліку біскупства да дзярсакратара Кандалізы Райс. У сваім лісце біскупы падкрэсліваюць,
што асаблівы цяжар канфлікту прыпадае на дзяцей. Многія пакутуюць фізічна і псіхічна.
Многія да таго ж не маюць доступу да адукацыі. Кард. Макарык і біскуп Дзімарцыо настойліва
прыклікаюць улады ЗША больш намагацца ў справе заканчэння вайны ў Іраку. Католікі
краіны заклікаюць адміністрацыю Белага Дома звярнуць увагу на той факт, што трагічным
вынікам вайны ёсць таксама і павелічэнне ўцекачоў.