Tur i Rajs në Lindjen e Mesme: SHBA vijojnë kritikat kundër Teheranit.
(31.07.2007 RV)Filloi në Egjipt vizita e sekretares së Shtetit amerikan, Kondoliza
Rajs dhe e ministrit të mbrojtjes, Robert Gejts. Është etapa e parë e një udhëtimi
diplomatik, gjatë të cilit SHBA do të zhillojnë bisedime me ministrat e jashtëm të
tetë vende arabe: Arabisë Saudite, Kuvaitit, Emirateve Arabe të Bashkuara, Omanit,
Katarit e Bahreinit për përballimin e kërcënime të Al Kaedës dhe përcaktimin e planit
të paqes për Lindjen e Mesme. Kondoliza Rajs njoftoi dje se ka ndër mend të nënshkruajë
një marrëveshje dhjetvjeçare me Vendet Arabe të moderuara, që parashikon furnizimin
e tyre me armë, me qëllim që t’i kundërvihen forcave negative të Al Kaedës, të Hezbollahëve,
Sirisë e Iranit. Kancelarja gjermane, Angela Merkel, e kritikoi propozimin amerikan,
sepse – sipas saj – një vendim i tillë mund ta bëjë edhe më shpërthyese situatën,
edhe kështu tepër të shqetë, në këtë zonë me tension tepër të lartë.