Nesër, festa e 'Agimit', në njëqindvjetorin e skautizmit: përshëndetja e Papës skautëve
në audiencën e përgjithshme.
(31.07.2007 RV)Zjejnë në mbarë
botën kremtimet për njëqindvjetorin e skautizmit. Në Hajlënds Park të Britanisë së
Madhe vijon ‘Xhëmburia’ e 21-të, dmth takimi i skautëve nga mbarë bota i cili, në
vitin jubilar të lëvizjes skautiste, festohet me entuziazëm të veçantë. Në Britaninë
e Madhe kanë arritur tashmë 40-mijë skaut nga 161 vende të ndryshme të botës, por
nismat janë të shumta edhe në vise të tjera. Për t’u shënuar është takimi i nesërm
i skautëve të të pesë kontinenteve në ishullin Braunsi, në kontenë angleze të Dorsetit,
për të kremtuar së bashku festën e 'Agimit' të njëqindvjetorit e për të përsëritur
‘Premtimin e skautit’ në përkujtim të kampit të parë të skautëve, organizuar pikërisht
këtu nga themeluesi i Lëvizjes, Robert Baden – Pavell.Në Romë festa do të organizohet
në Cirkun Massimo e paraprirë nga një natë lutjeje. Ndërsa nesër, gjatë audiencës
së përgjithshme, Papa do të përshëndesë një delegacion të skautëve katolikë evropianë.