Rrugëzgjidhja politike e krizës në Kosovë sipas Hajnc Fisher.
(30.07.2007 RV)Presidenti austriak Hajnc Fisher ka vlerësuar se për Kosovën
"zgjidhja më e arsyeshme do të ishte arritja e një marrëveshjeje ndërmjet shqiptarëve
e serbëve, në bazë të propozimit të të dërguarit të KB Marti Ahtisari", ndërkaq shpallja
e njëanshme e pavarësisë së Kosovës do të ishte zgjidhja më e keqe. "Të gjithë e dinë
se shpallja e njëanshme e pavarësisë së Kosovës do të ishte zgjidhja më e keqe, pa
një marrëveshje me Serbisë, pa vendimin e Këshillit të Sigurimit, me mbështetjen e
SHBA-ve, por kundër vullnetit të Rusisë dhe me qëndrime të ndryshme brenda Bashkimit
Evropian. Kjo do të ishte më e padëshirueshmja", kështu shprehet Fisher në të përditshmen
austriake "Salcburger nahriten". Presidenti austriak nënvizoi edhe se nuk ka gjasa
për marrëveshje, duke shtuar se "në rast se ekziston kërcënimi që të mos kemi një
vendim të Këshillit të Sigurimit të KB", do të "ndodheshim para një situate shumë
të vështirë, e cila do të çonte edhe drejt tensioneve brenda BE-së".