(27.07.2007 RV)Ndërsa Grupi i Kontaktit
për Kosovën i ka shtyrë të gjitha vendimet për përfaqësuesit e Trojkës dhe për zgjatjen
e bisedimeve Prishtinë-Beograd në javën që vjen, kreu i UNMIK-ut në Kosovë vendosi
që zgjedhjet e ardhshme parlamentare dhe administrative do të zhvillohen në nëntor
të këtij viti. Joakim Ryker i rezervon vetes të drejtën të pezullojë zgjedhjet, nëse
do të dështojnë negociatat ndërmjet serbëve dhe kosovarëve. Ashtu si në tetor 2004,
e panjohura e këtyre zgjedhjeve mbetet pjesëmarrja e serbëve, të cilët i patën bojkotuar
ato, duke zbatuar direktivat e Beogradit.