(27.07.2007 RV)Në Kuvendin e Shqipërisë dhe në Pallatin e Brigadave u zhvillua
sot ceremonia e betimit të presidentit të ri të Shqipërisë, Bamir Topi. Pavarësisht
nga debatet dhe manovrat pak të qarta politike që kanë shoqëruar zgjedhjen e tij,
Bamir Topi është shprehur se do të jetë president i të gjithëve. Në ceremoni morën
pjesë si pozita, ashtu edhe opozita e nga ekranet e televizorit edhe një popull i
tërë, i cili shpreson që presidenti t’i japë kuptim në realitet, formulës së betimit:
“Betohem se do t’i bindem Kushtetutës dhe ligjeve të vendit, do të respektoj të drejtat
dhe liritë e shtetasve, do të mbroj pavarësinë e Republikës së Shqipërisë dhe do t’i
shërbej interesit të përgjithshëm dhe përparimit të Popullit Shqiptar.”