Канікулы Папы Бэнэдыкта 16

Да Лорэндзаго ді Кадорэ, дзе знаходзўіцца Папа Бэнэдыкт 16 прыехаў кардынал Тарчысіё Бэртонэ. Ватыканскі Сакратар Стану, самазразумела, сустрэўся са Сьвяцейшым Айцом. Нагадаем толькі, што міну ўжо першы год паслугі кардынала Бэртонэ у кіраваньні Сакратарыятам Стану Апостальскай Сталіцы.
Канікулы Папы ў італьянскіх Далямітах узбуджаюць вялікае зацікаўленьне масс-мэдыяў і не толькі. Апошнім часам у Аўстрыі разыйшліся чуткі быццам-бы Бэнэдыкт 16 меў у найбліжэйшым часе адведаць марыйны санктуарый Марыя Луггаў, у Карынтыі, што ляжыць у 30-ці кіламетрах ад Лорэндзаго ді Кадорэ. Ватыканскае Прэсавае Бюро было прымушанае аж два разы абвяргаць гэтыя чуткі аб візыце Папы у гэты санктуарый.
За тое пацьверджанаю інфармацыяю ёсьць тое, што мясцовыя касьцельныя ды цывільныя ўлады падрыхтоўваюць сустрэчу Папы з духавенствам дыяцэзыі Бэльлюно-Фэльтрэ ды Трэвізо. Каля 600 мясцовых сьвятароў сустрэнецца з Бэнэдыктам 16 ў Касьцеле Сьвятой Юстыны ў Аўронцо 24-га ліпеня.