Прэсавы прадстаўнік Ватыкану аб пэдафіліі сярод ксяндзоў з дыяцэзыіі Лёс Анджэлес
Арцыбіскуп амэрыканскага гораду Лёс Анджэлес яшчэ раз прасіў прабачэньня ў ахвяраў
сэксуальных злоўжываньняў на непаўналетніх, да якіх дапусьціліся каталіцкія сьвятары,
дыяканы, законныя асобы гэтае дыяцэзыі на працягу апошніх амаль 70-ці гадоў. Кардынал
Рожэ Магоны паінфармаваў, што кошты кампенсацыі, якіх больш за 600-т мільёнаў даляраў
для ахвяраў пэдафіліі, будуць разложаныя наступным чынам: каліфарнійская архідыяцэзыя
заплаціць 250-т мільёнаў, больш за 227-м мільёнаў страхоўныя фірмы а 60-т мільёнаў
законныя супольнасьці. Астанія 123-ы мільёны даляраў будуць паходзіць з іншых крыніц. Прэсавы
прадстаўнік Ватыкану айцец Фэдэрыко Лёмбарді сказаў, што Каталіцкі Касьцёл вырашыў
дзейнічаць ва ўсе магчымыя спосабы, каб у яго ўлоньні не паўтарыліся нікчэмнасьці
з мінулага пэрыяду. Айцец Лёмбарді падкрэсьліў пры гэтым, што зьявішча пэдафіліі
не тычыцца выключна Каталіцкага Касьцёла, дзеля гэтага таксама і іншыя асяроддзі павінны
выказацца падобным рашэньнем. “Касьцёл сьвядомы адказнасьці, якая ляжыць на ім за
выхаваньне маладога пакаленьня. Дзеля гэтага жадае дзейна супрацьдзейнічаць пэдафіліі,
ўключаючыся ў гэтай галіне ў барацьбу, якая ахоплівае што-раз шырэйшыя грамадзкія
слаі ў многіх краінах сьвету—сказаў Прэсавы Прадстаўнік Ватыкану.