У мястэчку Гудагай Астравецкага раёна Гарадзенскай вобласцi кардынал Казiмiр Свёнтэк
здзейснiў каранацыю цудатворнай iконы Мацi Божай Гудагайскай. Як паведамiў а. Юрый
Санько. Яе ўшаноўваюць не толькi вернiкi Гарадзенскай дыяцэзii, захоўваецца ў касцёле
Мацi Божай, што быў пабудаваны ў ХVIII° стагоддзi. Па словах а.Юрыя, кардынал усклаў
кароны на цудатворную iкону напярэдаднi вялiкага свята каталiцкага закона кармелiтаў
босых, якiя апякуюцца санктуарыям у Гудагаi. “Гэта падзея з’яўляецца вялiкай урачыстасцю
i для тых, што носяць шкаплер Найсвяцейшай Панны Марыi з гары Кармель на Святой Зямлi.
На думку святара, Мацi Божая Гудагайская з’яўляецца нябеснай заступнiцай усiх вернiкаў,
якiя носяць шкаплер i ўшаноўваюць Яе. Сёння невялiкае мястэчка Гудагай вядома менавiта
дзякуючы гэтай iконе. Невялiкая выява Мадонны – копiя абраза Мацi Божай Уладзiмiрскай,
напiсанай, згодна паданню, Эвангелiстам Лукой. Абраз быў знайдзены ў Ашмянскай пушчы
манахам-пустэльнiкам i прынесены ў мястэчка. Пасля таго, як ў XVI° стагоддзi для яго
пабудавалi каплiцу, а потым у 1763 годзе касцёл, абраз стаў цэнтрам пiлiгрымак. “Пры
гэтым былi засведчаны шматлiкiя факты цудатворных фiзiчных i духоўных аздараўленняў
вернiкаў”, - зазначыў а. Юрый Санько. Па ягоных словах, сёлятняе ўкаранаванне
ёсць шостым ускладаннем папскiх каронаў на цудатворныя iконы ў рыма-каталiцкiх храмах
Беларусi. Раней былi ўкаранаваныя абразы Мацi Божай Будслаўскай, Берасцейскай, Лагiшынскай,
Тракельскай i Кангрэгатскай, якая знаходзiцца ў Гарадзенскiм фарным касцёле.