Trafikimi i qenieve njerëzore në Kosovë ka marrë masa shqetësuese
(13.7.'07 RV)Për të parandaluar dhe luftuar këtë fenomen, më 11 korrik Bashkësitë
fetare të Kosovës, ajo Islame e Katolike kanë nënshkruar një memorandum bashkëpunimi.
Po më hollësisht nga Prishtina ta dëgjojmë shërbimin që ka përgatitur për ne Rabie
Ibraj: Sipas
raportit të Sektorit për hetimin e trafikimit të qenieve njerëzore të Shërbimit Policor
të Kosovës, në periudhën gjashtë mujore të këtij viti në Kosovë janë proceduar 46
raste të trafikimit. Gjatë kësaj periudhe sipas këtij njësiti janë proceduar ose janë
zbuluar 69 raste të dyshuara për trafikim ose prostitucion. Po gjatë kësaj periudhe
në bazë të dyshimit në trafikim janë arrestuar 26 persona, prej tyre 18 meshkuj e
tetë femra. Policia në periudhën janar - qershor i kanë identifikuar 19 femra, të
cilat kanë qenë viktima të trafikimit, katër prej viktimave kanë qenë vajza të mitura
nga Kosova. Të dhënat e Sektorit për hetimin e trafikimit të qenieve njerëzore për
muajin korrik flasin për një fenomen në rritje. Gjatë operacioneve të pjesëtarëve
të këtij njësiti dhe sektorëve tjerë të policisë, janë identifikuar 113 lokale në
të cilat janë kryer aktivitet krimianale të trafikimit, ose të prostitucionit. Numri
më i madh i lokaleve të tilla është identifikuar në Prizren, Pejë dhe në Gjilan.