Пад час нядзельнай Багародзiчнай малiтвы Свяцейшы Айцец сказаў, што накiроўваецца
на адпачынак на поўнач Iталii.
8 лiпеня Свяцейшы Айцец адгаварыў разам з вернiкамi Багародзiчную малiтву “Анёл Панскi”.
Перад малiтвай Бенедыкт XVI° звярнуў увагу вернiкаў на радкi з Эвангелля ад Лукi,
у якiх гаворыцца аб 72 вучнях, што Езус накiровае ў розныя вёскi, якiя мае намер наведаць.
У прыватнасцi Свяцейшы Айцец нагадвае словы эвангелiста: “Жнiва многа, але працаўнiкоў
мала”. Ёсць праца для ўсiх працаўнiкоў на Божай нiве, - працягнуў сваю думку Папа.
I Езус стала заклiкае нас да працы на Ягоным полi. Пры гэтым папярджвае, што будуць
яны як авечкi пасярод ваўкоў, але пры гэтым павiнны захоўваць пасланне мiру. У далейшай
частцы свайго казання Бенедыкт XVI° зазначыў, што мы не можам забраць з сабой нi
адзенне, нi грошы ў iншы свет, таму трэба думаць аб вечным; трэба аказваць дапамогу
хворым, што будзе знакам Божай мiласэрнасцi; клапоцiцца аб уцекачах i аб iншых рэчах,
што злучаны з мiласэрнасцю. У той жа час Бенедыкт XVI° прыпамiнае словы з Эвангелля
ад Лукi, якiя былi звернуты Езусам да сваiх вучнаяў: “аднак жа таму не радуйцеся,
што духi слухаюцца вас, а радуйцеся таму, што iмёны вашыя напiсаны на нябёсах”. Гэтыя
словы, - зазначыў Бенедыкт XVI° , - звернуты да ўсiх ахрышчаных, якiя павiнны разумець,
што яны павiнны быць мiссiянарамi Хрыста, заклiканымi падрыхтаваць Яму шлях сваiмi
словамi i сведчаннем жыцця. У далейшай частцы свайго казання Папа сказаў, што
для многiх надыйшоў час адпачынку, i што ён таксама накiроўваецца ў iтальянскае мястэчка
Лорендзано дi Кадоре дзе будзе прыняты бiскупам Трывiзо ў доме, дзе любiў адпачываць
Ян Павел II°. Жадаю ўсiм, асаблiва тым, што маюць у гэту асаблiвую патрэбу, добрага
адпачынку, з тым, каб набрацца духоўнай i фiзiчнай энэргii, i аднавiць здаровыя адносiны
з прыродай. У сваiм казаннi Свяцейшы Айцец падцвердзiў свій намер наведаць у першыя
днi верасня славуты санктуарый iтальянскага горада Лорето. Напрыканцы спаткання
з вернiкамi Бенедыкт XVI° прывiтаў прысутных на плошчы на розных мовах i надзялiў
iм сваё пастырскае блаславенства.