Прадстаўнiк Ватыкана выказаў пазыцыю Святога пасада ў адносiнах да дэскрымiнацыi па
рэлiгiйных матывах на паседжаннi АБСЕ
Дыскрымiнацыя ў адносiнах да рэлiгii – гэта “адкрытая рана” грамадства, заявiў прадстаўнiк
Святога Пасада на адкрыццi канфярэнцыi Арганiзацыi па бяспецы i супрацоўнiцтву ў Еўропе. Бiскуп
Брайан Фаррелл, сакратар Папскай Рады да спраў хрысцiянскай еднасцi, звяртаючыся да
арганiзацыi, у якую ўваходзяць 56 краiнаў, зазначыў, што дыялог памiж рэлiгiямi i
культурамi з’яўляецца найважнейшай справай у сучасным свеце, i “натуральна, не толькi
справай тэалагiчнага характара”. У сваёй прамове бiскуп падкрэслiў: “Такiм чынам,
пытанне супрацоўнiцтва культур, мiра i павагi да iншых рэлiгiй, сёння зрабiлася пытаннем
палiтыкi i бяспекi, якое мае для нас аграмаднае значэнне”. “У рэшце гаворка iдзе аб
тым, як жыць адзiн з iншым у мiры, як зрабiць уласны ўклад у адукацыю i прагрэс чалавецтва”. “Антысемiтiзм
– гэта жудаснае апаганьванне чалавечай годнасцi, а Халакост – гэта злачынства, якое
лягло бруднай плямай на гiсторыю чалавецтва”. Дыскрымiнацыя мусульманаў таксама сур’ёзнае
злачынства супраць iх чалавечай годнасцi i ажыццяўлення iх права на свабоду веравызнання”. Монс.
Фаррелл адзначыў, што Свяцейшы Айцец Бенедыкт XVI° шматкротна гаварыў супраць “абодвух
згаданых з’явах, а таксама i супраць выпадкаў нецярплiвасцi i дыскрымiнацыi ў адносiнах
да хрысцiянаў”. Прадстаўнiк Ватыкана заклiкаў членаў Арганiзацыi па бяспецы i
супрацоўнiцтву ў Еўропе аднолькава ўважлiва ставiцца да гэтых праблем, кожная з iх
“ранiць” мужчынаў i жанчынаў, панiжае iх чалавечую годнасць i, такiм чынам, павiнна
быць адпаведным чынам пераадолена. Бiскуп Фаррелл звярнуў увагу на тое, што праца
Арганiзацыi будзе эфектыўнай толькi ў тым выпадку, калi яна будзе здзейсняцца з аднолькавай
рашучасцю ў кожным выпадку дыскрымiнацыi. “На самой справе, калi АБСЕ i дзяржавы-удзельнiкi
не будуць прыймаць усе меры, неабходныя для таго, каб хрысцiяне маглi ў поўнi карыстацца
сваiмi правамi на свабоду веравызнання, то, як гэта не парадаксальна, яны будуць дыскрымiнаваныя
ў iх барацьбе супраць дыскрымiнацыi!” “Было б памылкай, - працягнуў сваю думку
ватыканскi дастойнiк, - судзiць спадчыну веры трох монотэiстычных рэлiгiй, разглядаючы
iх праз небяспечныя i трывала зменлiвыя параметры палiтычнай раўнавагi, заместа злучэння
iх з вечным мярылам iсцiны i цантральнай ролi чалавечай годнасцi”.