Агульная аўдыенцыя Папы у сераду 20-га чэрвеня

Адбылася яна ў двух частках. З пачатку ў Базыліцы Сьвятога Пятра Папа сустрэўся з тымі вернікамі і паломнікамі, якія не змаглі ўвайсьці да Аўлі Папы Паўла 6-га. Затым жа ў той аўлі Сьвяцейшы Айцец сустрэўся ўжо з зарганізаванымі групамі вернікаў. Сярод іх была група паслоў з Расейскага Парламанту. Бэнэдыкт 16 прывітаў іх па-расейску. Вось ягонае прывітаньне

Была гэта ўжо 22-я аўдыенцыя Папы для вернікаў у гэтым годзе. У сваёй сёньняшняй катахэзе Папа працягваў свой цыкл пра Айцоў Царквы. Сёньня Папа гаварыў пра Сьвятога Атаназыя. Гэта адзін з вялікіх Айцоў Царквы з пачатку 4-га стагоддзя. Як сакратар біскупа Аляксандрыі суправаджаў яго на Нікейскім Саборы 325-га году. Пазьней як ягоны наступнік на біскупскай сталіцы, ў спасланьні да вызнаньня веры прынятай на Саборы, навучаў што Ісус Хрыстос Адзінародны Божы Сын, Роўны Богу-Айцу—ёсьць Адным ды Адзіным Богам. Паслуга Сьвятога Атаназыя- працягваў Папа- адносна даручаных яму вернікаў спалучаецца з абаронаю веры перад арыянізмам, які тады пашыраўся.
Вядомыя ягоныя пісьмы, тры мовы супраць арыянаў і пісьмы да Сэрапёна. Як тэалог цікавіўся пытаньнем уцелаўленьня Логасу, Божага Слова, якое сталася Целам і пасялілася сярод нас. Гэтаму пытаньню- сказаў яшчэ Бэнэдыкт 16- ахвяраваў свой найбольш вядомы трактат аб Уцелаўленьні Слова. Духоўна пачуваўся моцна спалучаным з манастыцызмам, асабліва з яго вынятковым прадстаўніком Сьвятым Антоніям Апатам. Вядомымі ёсьць роздумы Сьвятога Атаназыя на тэму Псальмаў, асабліва біяграфія “Жыцьцё Антонія”, якую прысьвяціў гэтаму вялікаму Эрэміту. Жыцьцё Сьвятога Атаназыя- сказаў на заканчэньне сёньняшняй катахэзы Папа- падобнае да Сьвятога Антонія, зьяўляецца нам прыкладам таго, што той хто ідзе да Бога не аддаляецца ад людзей, але стаецца ім блізкім.

Затым Папа сказаў
д-
Сёньня прыпадае Міжнародны Дзень Уцекача, які ўстанавіла ААН. Прыймаць уцекачоў і даць ім гасьціннасьць зьяўляецца для ўсіх нас жэстам чалавечае салідарнасьці, каб такім чынам не пачуваліся яны ізаляванымі з прычыны неталерантнасьці ды абыякавасьці. Для хрысьціян- сказаў Папа- гэта таксама адзін з спосабаў праявіць эвангэльскую любоў. Жадаю ад усяго сэрца, каб гэтым нашым братам і сёстрам, так моцна выпрабаваных з прычыны цярпеньняў, быў гарантаваны прытулак ды прызнаньне іхніх правоў ды запрашаю- сказаў яшчэ Папа- адказных з ААН ахвяраваць ахову тым, што знаходзяцца ў так далікатнай сітуацыі.


На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.