Сустрэча Гэнэральных Сакратароў Каталіцкіх Эпіскапатаў Эўропы з Мітрапалітам Філярэтам
15 чэрвеня 2007 г. удзельнікі 35-й сустрэчы Генеральных сакратароў канферэнцый каталіцкіх
біскупаў Еўропы сустрэліся з Мітрапалітам Мінскім і Слуцкім Філарэтам, Патрыяршым
Экзархам усяе Беларусі. Сустрэча з кіраўніком Царквы асноўнай рэлігіі краіны,
у якой адбываецца сустрэча Генеральных сакратароў — гэта неад’емная традыцыя і сведчанне
імкнення да развіцця кантактаў і дыялогу. Сустрэча прадстаўнікоў каталіцкіх епіскапатаў
Еўропы стала яшчэ адным крокам у кірунку паглыблення адносінаў паміж Каталіцкім Касцёлам
і Праваслаўнай Царквою. Гэтыя дзве хрысціянскія супольнасці асабліва блізкія, таму
што іх аб’ядноўвае адна вера і агульныя каштоўнасці. Праваслаўны іерарх сардэчна прывітаў
Генеральных сакратароў і адзначыў, што падобныя кантакты паміж царкоўнымі супольнасцямі
— вельмі важныя і маюць асаблівае значэнне.