Në Minsk filloi takimi i sekretarëve të përgjithshëm të Konferencave Ipeshkvnore të
Evropës.
(14.06.2007 RV)Në takimin e Minskut, që do të përfundojë më 18 qershor, po
diskutohet kryesisht rreth një teme jashtzakonisht të mprehtë e aktuale: “Emigracioni:
sfidë për Evropën; problemet e pasojat e tij për veprimtarinë baritore të Kishave”.
Tema të tjera të takimit janë: situata e Kishës katolike në Bjellorusi, veprimtaria
e CCEE (Konferencave Episcopale të Evropës), bashkëpunimi ndërmjet tyre në fushat
baritore më urgjente, shoqëria a mas-mediave, mbrojtja e ambientit, marrëdhëniet me
myslimanët, lidhjet me Afrikën si dhe puna baritore për thirrjet e reja meshtarake. Do
të preken edhe problemet kryesore të veprimtarisë ekumenike, në perspektivë të përgatitjes
së delegacioneve katolike, që do të marrin pjesë në takimin e Sibiu (Rumani) më 4-
9 shtator 2007 si dhe ato të procesit të unifikimit të Evropës. Marrin pjesë 34 sekretarë
të përgjithshëm, ndërmjet të cilëve edhe Nunci Apostolik në Bjellorusi, kryeipeshkvi
Martin Vidovic si dhe Sekretari i përgjithshëm i COMECE-s (Komisioni i Episkopateve
të Bashkimit Evropian) Imzot Noel Treanor.