Агульная аўдыенцыя Папы Бэнэдыкта 16 у сераду 13-га чэрвеня
Адбылася яна на Плошчы Сьвятога Пятра. У Вечны Горад прыбыло шмат вернікаў
і паломнікаў з кожнага кутку сьвету. Можна сказаць, што Плошча Сьвятога Пятра была
амаль поўнаю. Як падаюць ватыканскія крыніцы было іх каля 30-ці тысяч. У сваёй сёньняшняй
катахэзе Папа працягваў свой цыкл пра Айцоў Царквы. Менавіта Сьвяцейшы Айцец прысьвяціў
сёньняшнюю катахэзу Эўзэбію, біскупу Кесарэі, што ў Палестыне. Нарадзіўся ён каля
260-га году. Вучыўся ў Александрыі. Удзельнічаў у Першым Усяленскім Саборы у Нікеі
ў 325-м годзе. Памёр каля 339-га або каля 340 году. Зьяўляецца адною з найбольшых
постацяў хрысьціянскае культуры з пэрыяду канстантынскага пералому. Выдатны тэалог
і экзэгэт, гісторык і філялог, эрудыт. Вядомы асабліва
як першы хрысьціянскі гісторык. Ягонае разуменьне гісторыі Царквы ёсьць хрыстоцэнтрычнае.
У здарэньнях, якія ажыцьцяўляліся ў сьвеце, намагаўся заўважываць абьяўленьне таямніцы
Божае любові да чалавка. Навучаньне гісторыі Царквы- сказаў Папа- паводле Эўзэбія
мае быць не толькі перадавыаньнем ведаў аб мінулых стагоддзях але сапраўдным сьведчаньнем
хрысьціянскага жыцьця, якое вядзе да наверненьня і да духоўнага ўзросту. Па сёньняшні
дзень- сказаў на заканчэньне сваёй катахэзы Бэнэдыкт 16-ы праца Эўзэбія ёсьць запрашэньнем
да задумы над тым, як у гісторыю чалавецтва ўпісваецца задума Бога, робячы яе гісторыяю
збаўленьня.
На заканчэньне аўдыенцыі Сьвяцейшы Айцец прывітаў усіх вернікаў,
асабліва хворых, моладзь ды новыя шлюбныя пары, надзяляючы на ўсіх сваё Апостальскае
Блаславенства.