Këshilli Papnor i Kulturës kremton 25-vjetorin e themelimit me synimin për thellimin
e dialogut ndërmjet fesë e kulturave.
(13.06.2007 RV)U kremtua sot në Vatikan 25-vjetori i Këshillit Papnor të Kulturës,
themeluar nga Gjon Pali II më 20 maj të vitit 1982. Takimi përkujtimor në të cilin,
ndërmjet tjerësh, morën pjesë kardinajtë Pupar, Dias e Arinze, u mbajt në selinë e
re të dikasterit, në rrugën romake të Pajtimit, fare pranë Bazilikës së Shën Pjetrit.