У Румынii адкрыўся каталiцкi цэнтр для дзяцей-сiрот.
Цэнтр па выхаванню дзяцей з бедных семьяў, якi працуе па-за школьным часам, адкрыўся
20 траўня ў г.Роман, якi знаходзiцца на паўночным усходзе Румынii. Будаўнiцтва ўстановы,
якой будуць апекавацца мiсiянары з Кангрэгацыi св. Язэпа з Мурыальдо, каштавала 150.000
еўра. Будоўля вялася два гады i зрабiлася магчымай дзякуючы дапамозе некалькiх суполак
з дыяцэзii Чезена. Цэнтр будзе прыймаць 80 дзяцей з панядзелка да пятнiцы, а ў суботу
i нядзелю там будзе працаваць ораторый. Iмшу пад час адкрыцця новай установы
адправiў монс. Петру Гергел. У дзiцячых дамах Румынii знаходзяцца каля 80.000
дзяцей, але самай вялiкай праблемай з’яўляюцца дзецi з вулiцы, якiх больш за 3.000
па ўсёй краiне. “З гэтым цэнтрам ажыццявiлася наша мара, якую мы мелi з 1998 года,
года нашага прыбыцця ў краiну, мара стварэння мейсца, дзе моладзь адчувала б сябе
як дома i знаходзiла б працяг сямейнай атмасферы ва ўстанове, якая прызначана для
падрыхтоўкi да працы”, - сказаў айцец Антонiо Феррарi, мiсiянар з Кангрэгацыi св.
Язэпа. На ягоную думку, стварэнне Цэнтра было вынiкам супрацоўнiцтва румынскай i iтальянскай
моладзi з семьямi, якiя вераць у тое, што магчыма змянiць сацыяльную сiтуацыю, дзе
бедныя людзi робяцца яшчэ бяднейшымi. Прадстаўнiкi Кангрэгацыi св.Язэпа з Мурыальдо,
заснаванай у Турыне ў 1873 годзе i працуючай у 14 краiнах свету, прыбылi ў Румынiю
ў сакавiку 1998 года. Сярод вынiкаў iх дзейнасцi – Маладзёвы цэнтр св.Леонардо Мурыальдо
ў Папестi-Леорденi, дзе дзейнiчае школа мастацтваў i рамёстваў. Напрыканцы 2001 года
быў адчынены таксама Дом фармацыi ў г. Роман, якi знаходзiцца прыблiзна ў 350 км ад
румынскай сталiцы.