У панядзелак 11-га чэрвеня Папа Бэнэдыкт 16 адкрыу кангрэс Рымскае Дыяцэзыі
Вечарам гэтага дня Сьвяцейшы Айцец прыбыў да рымскае Базылікі Сьвятога Яна на Латэране,
каб адкрыць гэты Кангрэс, які будзе працягвацца да 14-га чэрвеня. Лозунг кангрэсу
наступны: “Ісус ёсьць Госпадам. Выхаваньне да веры, да Хрыста і да даваньня сьведчаньня”.
У сваёй прамове на адкрыцьцё прац Кангрэсу Бэнэдыкт 16 сказаў: Істотным прыярытэтам
душпастырскае працы Касьцёла, які вырашае ягоную будучыню, ёсьць набліжэньне новага
пакаленьня да Хрыста. Сёньня жыве яно часта далёка ад Бога. У абліччы пашыраньня
рэлятывізму выхаваньне да веры стаецца што-раз больш цяжэйшым. Часта не перадаецца
вартасьцяў- працягваў Папа сваю прамову- а толькі здольнасьці. Гэтага аднак не хопіць.
Трэба весьці маладых людзей да сустрэчы з Хрыстом. Сапраўднае выхаваньне патрабуе
асабістае блізкасьці і сьведчаньня. Важную выхаваўчую ролю маюць да ажыцьцяўленьня
каталіцкія школы- сказаў далей Сьвяцнейшы Айцец у сваёй прамове на адкрыцьцё прац
кангрэсу- але таксама і хрысьціяне, што прысутныя ў дзяржаўных школах. Неабходным
зьяўляецца ўлічэньне адмоўнага ўплыву масс-мэдыяў, якія пашыраюць рэлятывізм і спажывецкія
стаўленьні. Далей Папа крануў таксама справу пакліканьняў. У апошніх дзесяцігоддзях
рымская дыяцэзыя мела многа сьвятарскіх пакліканьняў, якія запоўнілі недахопы з папярэдняга
пэрыяду. Цяпер дыяцэзыя Папы патрабуе далейшых намаганьняў з мэтаю ўзбуджэньня пакліканьняў.
Яны мусяць быць заўсёды падтрымліваныя малітваю і хрысьціянскім сьведчаньнем. У
Латэранскай Базыліцы Папу прывітаў кардынал Камільлё Руіні, вікарый рымскае дыяцэзыі.
Прамову Бэнэдыкта 16 слухалі сьвятары, дыяканы, законныя асобы, настаўнікі рэлігіі,
акадэміцкія душпастыры, асобы заангажаваныя ў душпастырстве хворых і санітарнае службы,
сем”і ды шматлікая моладзь. Кангрэс Рымскае Дыяцэзыіі ўпісваецца ў падрыхтоўкі
да душпастырскага 2007-2008 году.