Me ankth, por edhe me shpresë, pritet lirimi i atë Gjankarlo Bosit, rrëmbyer në Mindanao.

(12.06.2007 RV) Në Filipine vijojnë kërkimet, për të gjetur Atë Bosin, Misionar i Institutit të Misioneve të Jashtme (Pime), rrëmbyer më 10 qershor në arqipelagun jugor të Mindanaos, në ishujt Filipine, në sa po shkonte për të kremtuar Meshën.
Dje ipeshkvijtë e Filipineve bënë thirrje për lirimin e misionarit italian, ndërsa në gjithë Mindanaon është krijuar atmosfera e lutjes dhe e solidaritetit. Madje edhe krerët e bashkësive islamike e kanë dënuar ashpër këtë akt.
Ja ç’na thotë Atë Sebastiano D’Ambra, me telefon nga Mindanao:Përgjigje: - Për ne është një e papritur, sepse nuk na shkonte në mend se mund t’i ndodhte pikërisht atij. Nuk është hera e parë që e provojmë këtë vuajtje. E kjo i shtohet vuajtjeve të tjera, sepse ne vuajmë ditë për ditë: vuajmë për njerëzit, vuajmë për këtë vend, të cilit i duhet përsëri të përballojë situata të tilla, të cilat i krijojnë opinione të këqija. Atë Bosi i donte këta njerëz, jetonte shumë pranë të varfërve e nuk e meritonte këtë vuajtje, në sa shërbente si vullnetar në një zonë tepër të vështirë, ku jo të gjithë do të dëshironin të shërbenin.