Багародзічная малітва "Анёл Гасподні" з Папам у нядзелю 10-га чэрвеня
А паўдні гэтага дня Сьвяцейшы Айцец сустрэўся з вернікамі, якія прыйшлі на Плошчу
Сьвятога Пятра, каб супольна адгаварыць гэтую марыйную малітву. У сваім разважаньні,
перад ейным адгаварэньнем, Бэнэдыкт 16 гаварыў аб сапраўднай прысутнасьці Хрыста ў
Найсьвятым Сакраманце. Спаслаўся таксама да ўрачыстасьці Божага Цела, якую мясцовыя
Касьцёлы ушаноўвалі менавіта ў мінулую нядзелю 10-га чэрвеня. Папа заахвоціў ў
сваёй прамове да абажаньня вялікае таямніцы веры. Хрыстос сапраўды прысутны у Эўхарыстыі,
астаецца ў табэрнакулюме быццам б”ючае сэрца Касьцёла. Абажаньне пасьля Сьвятой Імшы
робіць магчымым прыняцьце Яго- сказаў Папа. Адначасна заахвоціў сьвятароў ды усіх
вернікаў да ажыцьцяўляньня абажаньня Хрыста. Гэта варта рабіць як індывідуальна
так і ў супольнасьці, асабліва ў групах моладзі. Эўхарыстычныя набажэнствы павінны
быць годна зарганізаваныя, з адпаведным часам на малітву ў маўчаньні і на разважаньне
Божага Слова. Далей ў сваёй прамове Бэнэдыкт 16 заступіўся за ахвяр выкраданьняў.
Адказваючы на што-раз больш частыя просьбы іхніх блізкіх Папа прыпомніў аб долі многіх
асоб, таксама каталіцкіх сьвятароў, якія зьняволеныя ў розных частках сьвету: Усіх маю ў сэрцы
і аб усіх памятаю ў малітве, а сярод іх думаю асабліва аб балючым прыпадку ў Калюмбіі.
З гарачым заклікам зьвярнуўся Сьвяцейшы Айцец да віноўнікаў гэтых жудасных учынкаў,
каб усьвядомілі сабе справу з зьдзейсьненага зла і як найхутчэй зьвярнулі сем”ям пратрымліваных
вязьняў. Іхніх ахвяраў Папа даручыў матчынай апецы Найсьвяцейшай Марыі, Маці ўсіх
людзей. У апошнім часе на філіпінскім востраве Мінданао быў выкрадзены італьянскі
місіянар, 57-мі гадовы сьвятар Джанкарло Боссі. Ён працаваў на Філіпінах амаль 30-ць
гадоў. У апошнім часе быў пробашчам адной парафіі ў Паяо. Там менавіта быў выкрадзены
10-мі рэбэліянтамі з Ісламскага Фронту Вызваленьня Моро, якія ад многіх гадоў змагаюцца
за стварэньне на востраве Міндо нао ўласнае дзяржавы.