Бенедыкт XVI° будзе першым Папай, пры якiм энэргiя сонца будзе выкарыстоўвацца для
забяспечэння Ватыкана электрычнай энэргiяй. У наступным годзе дах залы iмя Паўла VI°
будзе заменены на новы, здольны генерыраваць электрычную энэргiю з сонечнай. Як
лiчаць iтальянскiя iнжэнеры, дах будзе акамулiраваць такую колькасць энергii, якой
будзе дастаткова для асвятлення, атаплення i кандыцыянiрвання згаданай залы. Зала
Паўла VI°, якая была спраектавана архiтэктарам Пьерам Луiджы Нервi, была пабудавана
ў 1969 годзе. Плануецца, што калi гэты будынак, што ўмяшчае каля 6.000 асобаў, не
будзе выкарыстоўвацца, энэргiя пойдзе ў агульную энэргасiстэму Ватыкана. Згаданая
iнiцыятыва будзе прыкладам для Iталii, дзе альтэрнатыўныя крынiцы энэргii пакуль выкарыстоўваюцца
не вельмi актыўна. Свяцейшы Айцец ужо не раз крытыкаваў “незбалансаванае выкарыстанне
энэргii”. У мiнулым годзе ён заявiў, што шкода, якую мае экалогiя нашай планеты, робiць
“асаблiва цяжкiм жыццё бедных людзей”, i заклiкаў хрысцiянаў да адказнага выкарыстання
прыродных рэсурсаў.