Агульная аўдыенцыя Папы у сераду 6-га чэрвеня

Адбылася яна на Плошчы Сьвятога Пятра. У Вечны Горад прыбыло шмат вернікаў і паломнікаў з кожнага кутку сьвету. Можна сказаць, што Плошча Сьвятога Пятра была амаль поўнаю. Была гэта ўжо 20-я сустрэча Папы Бэнэдыкта 16 з вернікамі ў гэтым годзе. У сваёй сёньняшняй катахэзе Папа працягваў свой цыкл пра Айцоў Царквы.

Сёньня пазнаёмімся з постацю Сьвятога Кіпрыяна, біскупа Картагены, мучаніка. Ён навярнуўся на хрысьціянства ў 35-м годзе жыцьця. Неўзабаве стаў сьвятаром і біскупам. Узмацоўваў веру і дысцыпліну ў супольнасьці хрысьціян, якія зьняверліваліся ў абліччы перасьледаваньняў за часоў Вэцыюша і Валерыяна. Захвочваў да стойкасьці ў веры, да адважнага сьведчаньня аб Эвангэльлі і да пазьбяганьня грахоў.
Сьвяты Кіпрыян- сказаў далей Папа- ёсьць аўтарам шматлікіх Трактатаў і Пісьмаў, якія тычацца натуры Царквы. Пісаў аб бачнай Царкве, аб нябачнай і герархічнасьці. Навучаў, што па-за Царквою няма збаўленьня. Падкрэсьліваў патрэбу будаваньня еднасьці Царквы, якая абапёртая на фундаманце Апостальскай Традыцыі, ў лучнасьці з Біскупам Рыму і Эўхарыстыі.
У навучаньні аб малітве падкрэсьліваў яе літурнічны і супольны характар. Абвяшчаў, што хрысьціянін молячыся ў будзь-якім месцы і абставінах павінен мець сьвядомасьць сваёй лучнасьці з усёю супольнасьцю Царквы. Асаблівым месцам малітвы ёсьць сэрца чалавека. Там жыве Бог, гаворыць да чалавека а чалавек Яго слухае.
Хай нашыя сэрцы- сказаў на заканчэньне сваёй катахэзы Бэнэдыкт 16- таксама напаўняе прысутнасьць Бога і сьвядомасьць еднасьці з Царквою, якая зьяўляецца нашаю Маці.
Затым Сьвяцейшы Айцец сказаў

Сёньня пачалася ў Гайлігэндам, Нямеччына, штогадовая сустрэча на вярхах Кіраўнікоў краінаў ды ўладаў сямі найбольш індустрыялізаваных краін разам з Расейскаю Фэдэрацыяю. Жадаю накіраваць да ўдзельнікаў гэтае сустрэчы новы заклік пра большую дапамогу для народаў, якія знаходзяцца ў патрэбе, асабліва для Афрыканскага Кантынэнту.

На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.