Rusia nuk pranon rezolutën e rishikuar për Kosovën
(01.06.07 RV)Rusia konfirmoi zyrtarisht se nuk e pranon tekstin e rishikuar
të rezolutës së OKB-së mbi Kosovën, paraqitur dje në Këshillin e Sigurimit nga Britania
e Madhe, sëbashku me SHBA-të, Gjermaninë, Italinë, Francën, Belgjikën dhe Sllovakinë.
Pas opinionit negativ të ambasadorit rus në OKB, Vitali Çurkin, sot zëdhënësi i Ministrisë
së Jashtme, Mikail Kaminin deklaroi se versioni i ri akoma nuk e kënaq Moskën. Projktrezoluta
e re shpreh “mbështetje” ndaj planit të Ahtisarit, ku “mbështetje” është përdorur
në vend të fjalës “pranim” të bocës së mëparshme. Gjithashtu, rezoluta e re u “kërkon”
autoriteteve kosovare të zbatojnë plotësisht standartet demokratike, në vend që të
“nënvizojë” nevojën e respektimit të tyre, siç thuhet në planin fillestar. Ministria
e Jashtme ruse ka kërkuar sërish rihapjen e negociatave Serbi-Kosovë, ndërsa ambasadori
i SHBA-ve në OKB, Zalmay Khalilzad ka deklaruar se pavarësia e Kosovës është e pashmangshme.
Ai theksoi se Uashingtoni do të dëshironte që teksti të votohej javën që vjen, por
“do të bëjmë ç’është e mundur –shtoi- për të integruar në të sugjerimet konstruktive
të kolegëve tanë rusë”.