З 1 чэрвеня ў Аль Кош, гарадке, якi знаходзiцца на поўначы Iраку, у 25 км ад Масула,
пройдзе Сынод Халдэйскай Царквы. Аб гэтым афiцыйна заявiў прадстаўнiк Халдэйсклай
Царквы пры Святым Пасадзе а. Фiлiп Нажiм. Натуральна, што галоўную ўвагу ўдзельнiкi
спаткання нададуць становiшчу хрысцiянаў у Iраку. Акрамя таго, будзе абмяркоўвацца
будучыня семiнарыi ў Бабелю i сiтуацыя дыяцэзiй як у Iраку, так i прылягаючым рэгiёне.
Членаў Сыноду асаблiвым чынам заклапочваюць пераследаваннi хрысцiянскай меншасцi,
што вельмi заклапочвае таксама i Свяцейшага Айца, якi часта гаворыць аб сiтуацыi ў
Iраку. Згаданы Сынод пройдзе ў вельмi напружаны перыяд, якi перажывае Iрак. Айцец
Нажiм выказаў надзею, што праца бiскупаў нейкiм чынам паспрыяе абуджэнню ўвагi мiжнароднага
грамадства да сiтуацыi ў краiне. “Бо, - як зазначыў святар, - часам здаецца, што ўсе
ўжо прызвычаiлiся бачыць памёрлых i тэрарыстычныя акты ў гэтай краiне, што недапушчальна”.