Gjykatë ndërkombëtare për hetimet e vrasjes së ish-kryeministrit libanez
(31.05.07 RV)Këshilli i Sigurimit i OKB-së vendosi që të ngrejë një Gjykatë
të veçantë ndërkombëtare për të hetuar mbi vrasjen e ish-kryeministrit libanez, Rafik
Hariri. Vendimi pritej me padurim nga Bejruti dhe u votua me 10 konsensuse e me abstenimin
e Rusisë, Kinës, Afrikës së Jugut, Indonezisë dhe Katarit. Sipas Sirisë, kjo
është një lloj hakmarrjeje politike. Gazetat shkruajnë sot se kjo është një ndërhyrje
amerikane në punët e brendshme të Libanit, i cili rrezikon prishjen e harmonisë e
të unitetit kombëtar. Ndërkaq, ministri i jashtëm libanez, Manuher Motaki është takuar
sot pa paralajmërim me presidentin sirian Bashar Asad në Damask. Rezoluta e miratuar
mbrëmë nga Këshilli i Sigurimit i jep Libanit afat deri më 10 qershor, që ta njohë
Gjykatën ndërkombëtare, ku do të bëjnë pjesë si gjykatës ndërkombëtarë, ashtu edhe
libanezë. Por në mungesë të konsensusit në Bejrut, rezoluta hyn në fuqi automatikisht.
Hetimi paraprak i OKB-së mbi vrasjen e ish-kryeministrit libanez Hariri më 14 shkurt
2005, ka treguar se përgjegjësit duhen kërkuar në radhët e shërbimeve sekrete të Libanit
e të Sirisë, por kjo e fundit i ka hedhur gjithmonë poshtë akuzat.