У Горадні 26-29 траўня пройдуць мерапрыемствы, прысьвечаныя Дням памяці ахвяраў
таталітарных рэжымаў у Беларусі. Штодня ў касцёлах і цэрквах горада будуць адбывацца
набажэнствы памяці ахвяраў таталітарызму. У панядзелак з удзелам грамадзкасьці
горада й сяброў Гарадзенскай абласной асацыяцыі ахвяраў палітычных рэпрэсій адбудзецца
круглы стол на тэму “Ад беларусізацыі да Курапатаў”. Круглы стол пройдзе ў памяшканьні
Гарадзенскага гарадзкога аддзяленьня “Таварыства Беларускай Школы”. Штодня падчас
правядзеньня Дзён памяці ахвяраў удзельнікі мерапрыемстваў будуць запальваць свечкі
ў месцах, звязаных з злачынствамі таталітарных рэжымаў. Мерапрыемствы праводзяцца
ў межах году памяці, прысвечанага ахвярам палітычнага тэрору. Сёлета адзначаецца сумны
юбілей – 70 гадоў таму ў 1937 годзе сталінскія рэпрэсіі дасягнулі піка. Беларуская
дзяржава адмовілася стварыць аргкамітэт, каб годна ўшанаваць памяць ахвяраў сталінізму. Арганізатарамі
Гарадзенскіх Дзён памяці ахвяраў таталітарных рэжымаў у Беларусі выступілі мясцовыя
актывісты ”Руху За Свабоду”.