(25.05.07 RV)Në Bërno të Çekisë, vazhdoi sot dita e dytë e mbledhjes së presidentëve
të vendeve të Evropës Qendrore e Juglindore, e cila do të përfundojë nesër. Është
diskutuar edhe për Kosovën e Ballkanin në përgjithësi, por edhe për sistemin e mbrojtjes
kundër raketave të SHBA-ve në Evropë e çështje të tjera. Për Shqipërinë, është i pranishëm
presidenti Alfred Moisiu.
Mungon në samitin e Bërnos në Republikën Çeke,
presidenti i Ukrainës, Viktor Jushçenko, pas rëndimit të krizës politike në vend.
Dje ai shkarkoi nga detyra prokurorin e përgjithshëm të Republikës, i cili u vu sërish
në vendin e vet nga forcat paraushtarake, besnike ndaj kryeministrit Viktor Janukoviç.
Në një fjalim televiziv, Janukoviç e akuzoi Jushçenkon se po e çon vendin drejt luftës
civile. Sot, presidenti ukrainas, me një dekret të posaçëm, mori në dorë kontrollin
e forcave të armatosura, të cilat vareshin nga Ministria e Brendshme.