(23.05.07 RV)Do të nënshkruhen nesër në Bari dy marrëveshje të rëndësishme
ndërmjet Italisë dhe Shqipërisë, në përfundim të konferencës “Ligjshmëria dhe investimet
në Shqipëri”. Njëra nga marrëveshjet ka të bëjë me bashkëpunimin ndërmjet policive
për të luftuar kriminalitetin e organizuar dhe trafikët e paligjshëm, ndërsa e dyta
ka të bëjë me bashkëpunimin në fushën energjitike. Praktikisht, ministrat bashkë me
delegacionet përkatëse, kryesuar nga kryetarja e parlamentit, Jozefina Topalli do
të zhvendosen nesër në kështjellën e mirënjohur Svevo në Bari për të diskutuar mbi
këto çështje me homologët e tyre italianë. Përfundon punimet ministri i jashtëm i
Romës, Massimo D’Alema.
Të gjithë fajtorë, 12 të akuzuarit për vrasjen
e ish-kryeministrit serb Zoran Xhinxhiq më 12 mars 2003. Gjykata e Beogradit u dha
40 vjet burg dy kryesorëve: ish-kreut të komandës së policisë, Milorad Ulemek dhe
personit që qëlloi, Zvezdan Jovanoviç, edhe ai dikur polic.