UNMIK-u pro ndërtimit të murit në Patriarkatin serb të Pejës
(22.05.07 RV)UNMIK-u ka pezulluar një vendim të autoriteteve shqiptare të Kosovës
për të ndaluar ndërtimin e një muri tri metra të lartë rreth Patriarkatit të Pejës.
Kisha ortodokse serbe ngul këmbë se muri është i domosdoshëm për të mbrojtur ndërtesën
dhe murgeshat ortodokse që ndodhen në të, sidomos kur të largohen ushtarët e forcave
ndërkombëtare, që aktualisht sigurojnë qetësinë në vend. Këshilli i Pejës pretendon
se muri, i cili do të zgjatet rreth 600 metra përreth Patriarkatit, po ndërtohet në
tokën e komunës e për këtë arësye ka nevojë për lejen, që aktualisht mungon. Ndërhyrja
e kryeadministratorit Joakim Ryker e zgjidhi përfundimisht “nga lart” problemin ndërmjet
palëve.
Kryeministri serb, Vojisllav Koshtunica deklaroi se do të ndërmerren
masa të reja për kapjen e gjeneralit Ratko Mlladiq. Në fjalën e tij, transmetuar nga
televizioni mbrëmë vonë, Koshtunica u betua se do ta dorëzonte kriminelin e luftës
në Gjykatën e Hagës. Por Mlladiq akoma mbështetet nga nacionalistët serbë, të cilët
sot paradite e kishin mbushur bulevardin kryesor të Beogradit me pllakata ku shkruhej
“Bulevardi Ratko Mlladiq”.