Акт аб кананiчных зносiнах памiж Рускай Праваслаўнай Царквой МП i Рускай Праваслаўнай
Царквой замяжой падпiсаны ў свята Узнясення Панскага у царкве Хрыста Збавiцеля ў расейскай
сталiцы. Дакумент падпiсалi Патрыярх Маскоўскi i ўсёй Русi Алексiй II° i галава РПЦЗ
мiтрапалiт Усходне-Амерыканскi i Нью-Йоркскi Лаўр. Мiтрапалiт Лаўр прыбыў у храм
Хрыста Збавiцеля ў 9.15 i быў сустрэты мiтрафорнымi протаiярэямi i мiтрапалiтамi.
Мiтрапалiт прайшоў на амвон i паблаславiў прысутных. Праз 15 мiнут пасля яго прыбыў
Патрыярх Алексiй II°, якога сустрэлi архiярэi Маскоўскага Патрыярхата i РПЦЗ. Патрыярх
прайшоў на амвон, дзе прачытаў малiтву за аб’яднанне Рускай Праваслаўнай Царквы. Потым
былi зачытаны рашэннi сiнодаў абодвух Цэркваў, а таксама Акт аб кананiчнай еднасцi.
Потым Патрыярх Алексiй II° i мiтрапалiт Лаўр падпiсалi адпаведны акт на амвоне храма
Хрыста Збавiцеля. Напрыканцы цэрымонii, пасля спева рэлiгiйных гiмнаў, Патрыярх
Алексiй II° i мiтрапалiт Лаўр звярнулiся да прысутных з пастырскiм словам, выказаўшы
радасць у сувязi з аб’яднаннем Рускай Праваслаўнай Царквы.