Каментарый прэс-сакратара Ватыкану з нагоды завершання вiзыту Свяцейшага Айца ў Бразiлiю.
Па словах прэс-сакратара Апостальскай сталiцы, пасланне Свяцейшага Айца Бенедыкта
XVI° Генеральнай асамблеi Латiнаамерыканскай Бiскупскай канфярэнцыi спалучае духоўнае
пасланне з рэчаiснасцю. Айцец-езуiт Федэрыко Ламбардзi, дырэктар прэс-службы Ватыкана,
пракаментаваў прамову Папы на адкрыццi V° Генеральнай асамблеi Бiскупскай канфярэнцыi
краiнаў Латiнскай Амерыкi i Карыбскага басейна такiм чынам: “Папа пачаў сваю прамову
з абвяшчэння Бога, Якi ёсць Любоў, i разважаў аб жыццi Царквы, у якой гэта абвяшчэнне
выконваецца, узрошчваецца i зноў выконваецца”, - адзначыў а.Ламбардзi ў iнтэрв’ю Ватыканскаму
радыё. “Прамова Папы – гэта адказ людзям, што задалi яму пытанне аб тым, як Царква
будзе рэагаваць на выклiкi аграмаднай несправядлiвасцi i несбалансаванасцi на кантыненте
– праблемы, з якiмi мы сутыкалiся ў мiнулым i якiя ўсё яшчэ маюць месца i сёння, часам
на аснове розных iдэялогiй, - з аднаго боку, i выклiкi матэрыялiстычнага лiбералiзма
i марксiзма – з iншага боку”. “Папа адказаў глыбока прадуманай прамовай аб падзеле
задачаў Царквы, - абвяшчэння Слова Божага, - ад чыста палiтычных задач, ён дакладна
паяснiў ролю Царквы ў працэсе перадачы вартасцяў, выказвання рэлiгiйнага погляда на
асобу i рэчаiснасць, якi ёсць такiм неабходным”, - адзначыў а.Федэрыко Ламбардзi i
прыпомнiў наступныя словы Свяцейшага Айца: “Царква не прыймае непасрэднага ўдзелу
ў палiтычным жыццi, але з’яўляецца абаронцай справядлiвасцi i бедных”. Айцец Ламбардзi
таксама падкрэслiў выказванне Бенедыкта XVI° аб патрэбах свецкiх вернiкаў-католiкаў
у палiтычным жыццi Латiнскай Амерыкi: “Характэрнай задачай свецкiх ёсць пераўтварэння
свету, у стварэннi свету больш справядлiвага, болей гуманнага, здольнага лепей адказваць
патрэбам суiснавання ў духу павагi да кожнага, у гармонii i справядлiвасцi для ўсiх
членаў грамадства”.