Чарговыя старонкi з Кампендiума Сацыяльнай дактрыны Царквы.
266 Уласнай працай i працавiтаюсцю чалавек, якi мае дачыненне да боскага майстэрства
i боскай мудрасцi, робiць яшчэ больш дасканалым створаны свет, космас, ужо ўпарадкаваны
Айцом; абуджае тыя сацыяльныя, грамадскiя сiлы, якiя iдуць на карысць
агульнага дабра, - перад усiмдзеля тых, што маюць найбольшую патрэбу.
Чалавечая праца, падпарадкаваная любовi, робiцца магчымасцю для сузiрання, пераўтвараецца
ў пакорлiвую i трывалую малiтву, у аскезу, у надзею на апошнi дзень: “У гэтым найвышейшым
бачаннi працы, пакаранне i адначасова ўзнагарода за чалавечую дзейнасць, уключае i
iншы аспект, па сваёй сутнасцi рэлiгiйны, якi быў удала выказаны ў бенедыктынскай
формуле “ora et labora” (малiсь i працуй). Рэлiгiйная складаючая надае чалавечай працы
духоўнасць, якая ажыўляе i адкупляе. Падобная лучнасць памiж працай i рэлiгiйнай дзейнасцю
адлюстроўвае таямнiчы, але рэальны саюз памiж чалавечым дзеяннем i правiдэнцыяльлным
дзеяннем Божым. II. Прароцкая вартасць энцыклiкi “Rerum novarum”. 267 Ход
гiсторыi адзначаны глыбокiмi пераўтварэннямi i натхняючымi асягненнямi працы, але
i эксплуатацыяй мноства людзей працы, якiя пагарджаюць iх годнасць. Прамысловая рэвалюцыя
зрабiла Царкве сурьёзны выклiк, на якi сацыяльная навука Царквы адказала з прарочай
сiлай, сцвярджаючы прынцыпы ў падтрымку чалавека, якi працуе, i яго праў – прынцыпы,
якiя маюць сiлу для ўсiх i заўсёды застаюцца актуальнымi. Стагоддзямi Царква
была звернута да грамадства аграрнага тыпу, падпарадкаванага рэгулярным i цыклiчным
рытмам; цяпер трэба абвяшчаць Эвангелле i жыць у новым ареопаге, у сярэдзiне
падзей больш дынамiчнага грамадства з улiкам складанасцi новых з’яў i трансфармацый,
якiя зрабiла новая тэхнiка. У цэнтр пастырскага клопату Царквы ўсё настойлiвей ставiцца
пытанне, цi праблема эксплуатацыi працуючых, якое паходзiць з новай, прамысловасцi,
арганiзацыi працы па капiталiстычнам нормам, i не меньш сурь’ёзная праблема iдэалагiчнага
выкарыстання сацыялiстамi i камунiстамi справядлiвых патрабаванняў, якiя прапануе
свет працы. На гэтым гiстарычным фоне разгортваюцца разважаннi i асцярогi энцыклiкi
“Rerum novarum” Папы Льва XIII°. 268 “Rerum novarum” – гэта,
перад усiм , гарачае выступленне ў абарону годнасцi людзей працы, дзеля сцверджання
якога ёсць важнымi права на ўласнасць, прынцып супрацоўнiцтва памiж класамi, правы
слабых i бедных, абавязкi тых, што працуюць i тых, што даюць працу, правы аб’ядноўвацца
ў асацыяцыi. Напрамакi думак, пададзеных у Энцыклiцы, умацавалi iмкненне ажыўляць
у хрысцiянскiм духу сацыяльнае жыццё якое выявiлася ў зараджэннi i кансалiдацыi шматлiкiх
iнiцыятыў, якiя маюць вагу ў грамадскiм сэнсе: гэта аб’яднаннi i цэнтры сацыяльных
даследванняў, асацыяцыi, суполкi працоўных, прафсаюзы, кааператывы, сельскагаспадарчыя
банкi, забяспечэнне i дапамога. Усё гэта надало значны iмпульс разпрацоўцы працоўнага
законадаўства, якое баронiць працоўных, перад усiм дзяцей i жанчын, развiццю адукацыi,
падвышэнню аплаты i палепшанню гiгiенiчных умоў працы. 269 Пачынаючы з “Rerum
novarum”, Царква ўжо не спыняла разглядаць праблемы працы ў рамках сацыяльнага
пытання, якое паступова набыло сусветныя памеры. Энцыклiка “Laborem exercens”
узбагачвае персаналiстычнае бачанне працы, характэрнае для папярэднiх сацыяльных
дакументаў, указваючы на неабходнасць паглыбляць зразуменне сэнсаў i задач, злучаных
з працай, з улiкам таго факта, што “трывала ўзнiкаюць новыя праблемы i пытаннi, новыя
надзеi, але таксама i небяспекi i пагрозы, злучаныя з фундаментальнай асновай iснавання
чалавека. Дзякуючы штодзённай працы будуецца жыццё чалавека, у працы яно набывае сваю
асаблiвую годнасць. Але працы належыць таксама i трывалая мера чалавечага напружання,
пакутаў, згубаў i несправядлiвасцi, якiя глыбока ўкарэнiлiся ў сацыяльным жыццi, у
сярэдзiне асобных нацый i на мiжнародным узроўнi. Бо праца, “асноўны ключ” да ўсяго
сацыяльнага пытання, ахоплiвае не толькi эканамiчнае, але таксама культурнае i маральнае
развiццё асобы, сямьi, грамадства i ўсяго чалавечага рода. III. Годнасць працы а)
Суб’ектыўнае i аб’ектыўнае вымярэнне працы 270 Праца чалавека мае падвойнае
вымярэнне: аб’ектыўнае i суб’ектыўнае. У аб’ектыўным сэнсе праца – гэта комплекс
дзеянняў, рэсурсаў, прыладаў i тэхналогiй, якiмi чалавек карыстаецца, каб нешта ствараць,
панаваць над зямлёй, па словах Кнiгi Быцця. Праца ў суб’ектыўным сэнсе – гэта
дзейнасць чалавека як дынамiчнай iстоты, здольнай здзяйсняць розныя дзеяннi, якiя
маюць дачыненне да працоўнага працэсу i адпавядаюць асабiстаму паклiканню чалавека:
“Чалавек павiнен панаваць на зямле, бо ён – “вобраз Божы” -, значыць асоба, суб’ект,
здольны паступова i разумна дзейнiчаць i распараджацца сабой i iмкнецца рэалiзаваць
сябе. Такiм чынам, чалавек як асоба ёсць суб’ектам працы. Аб’ектыўнае вымярэнне
працы складае кон’юнктурны аспект чалавечай дзейнасцi: яго формы няспынна змяняюцца
разам са зменай тэхнiчных, культурных, сацыяльных i палiтычных умоў. Суб’ектыўнае
ж вымярэнне працы ёсць стабiльным, бо не залежыць ад таго, што канкрэтна робiць
чалавек i не ад таго тыпу дзейнасцi, якiм ён займаецца, але залежыць выключна ад годнасцi
чалавека як асобы. Гэта мае рашаючую ролю як для зразумення таго, на чым, у вынiку,
заснавана вартасць i годнасць працы, а таксама i арганiзацыя эканамiчных i сацыяльных
сiстэм, у якiх захоўваюцца права чалавека.