Koalicioni europeist arriti marrëveshjen për qeverinë e re serbe
(11.05.07 RV)Presidenti i Serbisë dhe lideri i Partisë Demokratike, Boris Tadiq,
kryeministri e njëkohësisht kryetari i Partisë Demokratike të Serbisë, Vojisllav Koshtunica
dhe lideri i partisë G 17 Mllagjan Dinkiq arritën më në fund marrëveshjen për formimin
e qeverisë së re, vetëm pak ditë para skadimit të afatit, që do ta çonte Serbinë në
zgjedhje të reja. I menjëhershëm reagimi ndërkombëtar. Komisari për zgjerimin,
Oli Rehn deklaroi se me formimin e një qeverie të bllokut demokrat dhe europeist në
Beograd, Serbia i ka hapur rrugën rifillimit të negociatave të Asociim-Stabilizimit
me Bashkimin Evropian. Gjithsesi, Rehn nënvizoi se kusht për plotësimin e negociatave
mbetet bashkëpunimi me Gjykatën e Hagës.