Kryeministri britanik jep dorëheqjen. Largohet më 27 qershor.
(10.05.07 RV)Kryeministri britanik, Toni Bler deklaroi sot se do të japë dorëheqjen
më 27 qershor nga kryesia e Partisë Laburiste dhe nga posti i kreut të qeverisë. Pas
10 vjetësh, ai do ta dorëzojë detyrën në duart e mbretëreshës së Anglisë. Pritet që
ta zëvendësojë në të dyja postet ministri i tanishëm i financave, Gordon Braun.
Presidenti
amerikan Xhorxh Bush do të përdorë veton edhe kundër një propozimi të ri të demokratëve
në Dhomën Përfaqësuese të Kongresit amerikan, që parashikon financimin e luftës në
Irak vetëm për tre muaj. Sipas këtij projektligji, nëse pas kësaj periudhe situata
nuk përmirësohet, Kongresi mund të tërheqë financimin. Pas vetos për propozimin e
mëparshëm, që kërkonte tërheqjen e trupave amerikane nga Iraku brenda vitit 2008,
Bush nuk ka ndërmend të miratojë edhe këtë projektligj të ri, që gjithsesi e detyron
administratën amerikane të bëjë hapat e caktuara nga Kongresi.