Католiкi Кiтая запрашаюць Свяцейшага Айца на Алiмпiйскiя гульнi 2008 года.
Кiтайскiя католiкi зарэзервавалi бiлеты для Свяцейшага Айца на Алiмпiйскiя гульнi
2008 года, якiя пройдуць у Пекiне. Група вернiкаў-католiкаў звярнулася да Папы з наступнымi
словамi: “Свяцейшы Айцец, мы самi замовiм для Вас бiлет на Алiмпiйскiя гульнi 2008
года; такiм чынам мы будзем гатовы спаткаць Вас у сябе”. Згодна паведамленню iнфармацыйнага
агенства “Fides”, розныя парафii ў Кiтаi моляцца аб прыездзе Папы. “Мы чакаем паслання,
якое ён рыхтуе для нас, i мы таксама спадзяемся, што сустрэнiм яго асабiста ў Кiтаi.
Мы молiмся ведаючы, што гэта будзе не проста, але мы маем надзею i молiмся”, - сказаў
адзiн з кiтайскiх вернiкаў-католiкаў. Каталiцкi святар з Пекiну, карыстаючыся
магчымасцю, выказаў свае найлепшыя пажаданнi Бенедыкту XVI° i зазначыў: “Мы жадаем
Папе добрага здароў’я, каб ён мог працягваць весцi нас да праўды веры. Гэта тое, у
чым мы маем вялiкую патрэбу, i менавiта гэта мы атрымалi за гэтыя два гады яго пантыфiкату”.