Абрана новае кiраўнiцтва арганiзацыi "Pax Christi".
Пад час спаткання мiжнароднай дабрачыннай арганiзацыi “Pax Christi” 28 красавiка
ў Бельгii былi абраныя яе новыя кiраўнiкi, якiмi зрабiлiся монсiньор Монсенгво i Марiя
Теннiс. Яны будуць кiраваць згаданай арганiзацыяй на працягу 3-х гадоў, пачынаючы
з 4 лiстапада бягучага года. Цяперашнi галава арганiзацыi, монс. Мiшель Саббах,
Лацiнскi Патрыярх Ерусалiму, будзе заставацца кiраўнiком “Pax Cristi” да 3 лiстапада
2007 года. Згаданая арганiзацыя была заснавана ў Францыi спадарыняй Дортел-Клод
i монс. Теас, як рух католiкаў Эўропы, якi жадаў знайсцi пагадненне памiж народамi
пасля II° Сусветнай вайны. На сёняшнi дзень гэта арганiзацыя аб’ядноўвае больш за
100 суполак ва ўсiм свеце. Па традыцыi яна ўзначальваецца адной цывiльнай жанчынай
i аднiм бiскупам. Бiскуп Монсенгво паходзiць з Конго i з’яўляецца Старшынёй Бiскупскай
канфярэнцыi гэтай краiны. Ён вядомы тым, што стала змагаўся за мiр у сваёй краiне
i ў Афрыцы. Марыя Тэннiс, грамадзянка ЗША, кiраўнiца аддзялення арганiзацыi “Марыкнол”
па праблемах свету, займаецца праблемамi мiра, сацыяльнай справядлiвасцi i аховай
праў чалавека.