У сярэдзіне мая ў Бразіліі пройдзе Генеральная Асамблея Біскупскай канферэнцыі Лацінскай
Амерыкі. На ёй мяркуецца прысутнасць Свяцейшага Айца. Гэта будзе першы візіт Бенедыкта
16 на кантынент.
Папа наведае краіну, дзе жыве найбольшая ў адносінах да агульнага насельніцтва колькасць
католікаў. Толькі 10 адсоткаў ёсць няверуючымі. Астатнія у сваёй большасці - хрысціяне.
Пераважна - католікі, пратэстантаў прыкладна 15 працэнтаў. Аднак у апошнія гады
вялікую заклапочанасць сусветнае Царквы выклікае актывізацыя сэктаў увогуле на кантыненце
і асабліва ў краіне вялікіх кантрастаў, якою з'яўляецца Бразілія. Тут няма аніякіх
абмежаванняў для любой, у тым ліку і дыструктыўна-сэктанскай дзейнасці. Папа
Ян Павел 2 неаднаразова наведваў яе і заўсёды быў моцна сумна ўраджаны тым разбэшчаным
багаццем невялікай колькасці бразільцаў і жудаснай галеччу, якая абдымае не так ужо
і малую колькасць насельнікаў. Паўсюдна вядома праблема злачыннасці, спалучаная з
няроўнасцю, наркаманіяй, прастытуцыяй і гандлем жывым таварам, праблема жудасных трушчоб,
у прыватнасці, у саміх мікрараёнах ці блізка вялікіх і шыкоўных гарадоў, такіх, як
Рыа дэ Жанейра. Краіна, дзе пражывае шматнацыянальная і шматрасавая грамада, непрыміральна
падзеленая . Вялікая колькасць людзей - непісьменная, асабліва страшэнныя праблемы
ў галіне выхавання і адукацыі дзяцей і моладзі Бразіліі. Існуе трагедыя так званых
вулічных дзяцей, якія жывуць у жывёльных умовах і ўяўляюць крыніцу агрэсіі і выкарыстання
з боку крымінальнага свету. Даходзіла да таго, што такіх непісьменных дзяцей, якія
нават слаба валодалі магчымасцю гаварыць, адстрэльвалі паліцэйскія брыгады. А наогул
, як і увесь кантынет, краіна вельмі маладая - каля 30 працэнтаў складаюць дзеці і
падлеткі. Бразільцаў, якім больш за 65 гадоў - толькі 6 працэнтаў насельніцтва, што
красамоўна паказвае і працягласць жыцця . Лозунг гэтай дзяржавы - "парадак і прагрэс"
- паказвае мэту, якую аб'яўляюць урадаўцы. Выукарыстоўваць яны для асягнення сваіх
мэтаў вельмі сучасную і добрааснашчаную прапагандысцкую машыну, СМІ. У Бразіліі
працуе каля 11 тысяч святароў :мясцовых і місіянароў. Прыкладна столькі ж законнікаў
і манашак. Аднак на 184 млны насельніцтва гэта не так каб многа. У сувязі з такімі
глыбокімі кантрастамі і трагічнымі выклікамі Біскупская Канферэнцыя Лацінскай Амерыкі,
якая мае прыкладна падобныя праблемы і ў іншых краінах кантыненту, прызнала прыарытэтамі
дзейнасці Новую Эвангелізацыю дарослага насельніцтва з прыцягненнем да гэтай працы
ўсіх рэжлігійных дзеячаў і місіянароў у цесным кантакце са свецкімі вернікамі. Канкрэтныя
праграмы і таксама стратэгію будзе выпрацоўваць Генеральная Асамблея CELAM- Біскупскай
канферэнцыі Лацінскай Амерыекі.