Папа Бенедыкт 16 павітаў удзельнікай прайшоўшага ў Рыме экалагічнага семінара, зарганізаванага
Папскай радай "Справядлівасць і мір".У сваім пасланні кіраўнік каталіцкае Царквы акрэсліў
галоўныя напрамкі адказнасці стварэння за створанае.
Семінар, у якім удзельнічали не толькі святары, але й 80 вядомых вучоных ды спецыялістаў
розных галін вывучэння навакольнага асяроддзя з 20 краін адкрыў кард. Ренато Марціно,
старшыня Рады - арганізатара семінара.Ён засяродзіўся на актуальнай тэматыцы "Змены
клімата і развіццё". Па выніках удзельнікі прынялі рэзалюцыю, у якую уключылі парады
Папы. У сваім звароце да ўдзельнікаў канферэнцыі Свяцейшы айцец, у прыватнасці, кажа
аб неабходнасці падтрымліваць лад жыцця, вытворчасці і спажывання, якія б адпавядалі
неабходнасці забеспячэння ўстойлівага развіцця народаў. тут трэба прымаць у разлік
справядлівасць пры размеркаванні, як гэтаму навучае сацыяльная дактрына Царквы, што
выплывае з самой сутнасці хрысціянства. Удзельнікі канферэнцыі асабліва парадваліся
выказанай Папам удзячнасці ім за тое, што здолелі магчымасць сабрацца ў Рыме на гэтую
сустрэчу і пацвердзілі, што будуць старацца на сваіх працоўных і грамадзянскіх пазіцыях
дакладна і праўдзіва вывучаць праблемы навакольнага асяроддзя, якія ўсё больш залежаць
ад выканання этычных правілаў.Сюды ўваходзіць эканоміка, сацыялогія, палітыка і іншыя
галіны чалавечага існавання. У часе канферэнцыі неаднаразова прыпаміналіся цытаты
з "КАМПЕНДЫЎМА САЦЫЯЛЬНАЙ ДАКТРЫНЫ ЦАРКВЫ", -дакуманта. распрацаванага якраз папскай
радай "Справядлівасць і мір". Там яскрава гаворыцца, што экалагічная адукацыя ёсць
абавязкам кожнага, бо навакольнае асяроддзе - агульнае багацце усяго чалавецтва.