Ipeshkvi i Kosovës, imzot Dodë Gjergji do të pritet nga Papa këtë javë
(01.05.07 RV)Këto ditë, siç ju kemi njoftuar të dashur dëgjues, ndodhen në
Vatikan për vizitën e tyre “ad Limina” ipeshkvijtë e Konferencës Ipeshkvnore të Shenjtorëve
Çirili e Metodi. Ndër ta, edhe ipeshkvi i Tivarit në Mal të Zi, imzot Zef Gashi, i
cili është takuar dje me Papën Benedikti XVI, dhe ipeshkvi i Kosovës, imzot Dodë Gjergji,
i cili do të takohet të enjten me Atin e Shenjtë. Dje dëgjuat një intervistë me imzot
Gashin e një pjesë të intervistës sonë me imzot Dodë Gjergjin, me të cilin folëm për
rezultatet e misionit të Këshillit të Sigurimit të OKB-së në Kosovë. Por tema e statusit
të Kosovës e ngjarjet e fundit në vend do të jenë edhe argumente bisede me Papën Benedikti
XVI, siç na pohon vetë imzot Gjergji…