КІЕЎ-МІНСК. Вярнуліся з украінскай сталіцы работнікі Беларускай міласэрднай арганізацыі
каталіцкае Царквы - Карітас. Там завершылася міжнародная канферэнцыя па праблемах
ВІЧ-СНІДа ў рэгіёне.
Цэнтральная і Ўсходняя Еўропа ды цэнтральная Азія былі пад увагай рэлігійных і свецкіх
дзеячаў, што гаварылі не толькі пра медыцынскія аспекты дапамогі, але і пра неабходнасць
больш шырокай галоснасці ў гэтай дэлікатнай галіне жыцця грамадства і асобных людзей.
Так, на прыкладзе гаспадароў, быў зроблены вывад, што тэмпы пашырэння заражэння
залежаць таксама і ад слабой інфармаванасці людзей. На Ўкраіне, напрыклад, вельмі
мала журналістаў, якія займаюцца тэматыкай СНІДу, што адлюстравала і іхняя адсутнасць
на Еўрапейскім тэматычным форуме. Прэзідэнт украінскай Карітас Андрэй Васьковіч
паведаміў, што самай вялікай трагедыяй ВІЧ-інфекцыяываных ёсць ізаляцыя. Нават родныя
ад іх адгортваюцца. Дык адным з напрамкаў працы ёсць інфармаванне грамадства аб бяспецы
кантакту з няшчаснымі хворымі на СНІД. У пасяджэннях Еўракангрэсу прынялі ўдзел
высокія герархі каталіцкай і грэка-каталіцкай Царквы Украіны , святары , медыкі
і навукоўцы з краін Еўропы. Спецыяльны саветнік Міжнароднай Карітас айцец Роберто
Вітілло паведаміў прысутным, што гэтая міласэрдная арганізацыя мае 162 аддзелы
па свеце, 44 - у Еўропе. Што тычыцца статыстыкі СНІДу, за 10 апошніх год колькасць
інфецыяваных павялічылася ў 20 разо. У прыватнасці, на Ўкраіне памёрла каля 84 000
чалавек. Толькі 15 працэнтаў хворых мае адэкватнае лячэнне. былі абмеркаваныя шляхі
паляпшэння дапамогі хворым у Еўропе і, у прыватнасці, на Украіне.