24 красавіка Папа прыняў на прыватнай аўдыенцыі Прэзыдэнта Палестыньскае Аўтаноміі
Вернемся яшчэ на хвілінку да дзейнасьці Папы у аўторак 24-га красавіка. Менавіта
Сьвяцейшы Айцец прыняў на прыватнай аўдыенцыі Прэзыдэнта Палестыньскае Аўтаноміі Абу
Мазэна, які затым таксама сустрэўся з кардыналам Бэртонэ, Сакратаром Стану ды з адказным
за ватыканскія адносіны з дзяржавамі арцыбіскупам Мамбэртім. “У часе сардэчных размоваў
абмеркавана сітуацыю на Блізкім Усходзе”- чытаем у камунікаце Прэсавага Бюро Апостальскае
Сталіцы. “Асабліва дацэнена заангажаваньне ў карысьць ўзнаўленьня мірнага працэсу
паміж Ізраілям ды Палестынай, магчымае таксама дзякуючы дапамозе міжнароднае супольнасьці.
Абмеркавана таксама ўнутраную сітуацыю палестынцаў, між іншым, з пасланьнем да цяжкасьцяў,
якія сустракаюць католікі ды значэньня іхняга ўкладу ў жыцьцё грамадзтва”- сьцвярджае
ватыканскі камунікат.