Papa pret Abu Mazenin në Vatikan. Vlerësohen përpjekjet për rifillimin e procesit
të paqes ndërmjet izraelitëve e palestinezëve.
(24.04.2007 RV)Sot paradite Benedikti XVI priti në audiencë presidentin e Autoritetit
Palestinez Abu Mazen (Mahmoud Abbas) me grupin shoqërues. Gjatë bisedimeve të përzemërta
– njofton një notë e Sallës vatikanase të Shtypit, u fol kryesisht për situatën në
Lindjen e Mesme. Posaçërisht u vlerësua impenjimi, falë edhe ndihmës së bashkësisë
ndërkombëtare, për rifillimin e procesit të paqes ndërmjet izraelitëve e palestinezëve.
Nota njofton, më pas, se u fol edhe për situatën e brëndshme palestineze, duke u ndalur
posaçërisht tek vështirësitë që përballojnë katolikët dhe tek vlera e kontributit
që i japin kësaj shoqërie.Si përfundoi audienca me Papën, presidenti Abu Mazen u takua
edhe me kardinalin Tarçizio Bertone, Sekretar i Shtetit të Vatikanit që shoqërohej
nga imzot Dominik Mamberti, sekretar për marrëdhëniet me shtetet.