Në Francë shkojnë në balotazh për zgjedhjet presidenciale neogolisti Sarkozi e socialista
Rojal
(23.4.07 RV)Në zgjedhjet presidenciale
në Francë pas turnit të parë, Sarkozi dhe Royal vijojnë udhën drejt Eliseut, në balotazh
më 6 maj. Kandidati i qendrës dhjathtë, Nikola Sarkozi ka fituar turnin e parë të
zgjedhjeve presidenciale në Francë me 31,11 % të votave, rivalja e tij socialiste,
Segolen Rojal, e kualifikuar për zgjedhjet e balotazhit me 6 maj, ka fituar 25,84
%. Kandidati i qendrës i cili do të jetë vendimtar për rezultatet e balotazhit, Fransua
Bajro zuri vendin e tretë me 18,55 % të votave, ndërsa lideri ekstremist i djathtë
Zhan-Mari le Pen ka fituar 10,51 % të votave. Pjesëmarrja në votime ishte shumë e
madhe me 85 për qind. Qysh sot kanë filluar sondazhet për 6 majin e ardhshëm, sipas
të cilave kandidati i qendrës së djathtë Nikola Sarkozi do të bëhet president me 52-54
për qind të votave. Bajro do të vendos të mërkurën, ndërsa presidenti Shirak preti
sot Sarkozi dhe deklaron se mbështet pikërisht atë.