Пазыцыя Святога Пасада ў адносiнах да сiтуацыi на Святой Зямлi.
Мiжнароднае грамадства, а разам з iм i Святы Пасад, жадаюць, каб новы палестынскi
ўрад здолiў “зрабiцца аўтарытэтным i надзейным суразмоўцай, здольным прывесцi ўласны
народ, з адказнасцю i пачуццём рэчаiснасцi, да заключэння справядлiвага мiра з iзраiльтянамi,
акрамя “стварэння свабоднай i сувярэннай дзяржавы” для самiх палестынцаў. Аб гэтым
заявiў намеснiк сакратара Ватыкана па сувязях з дзяржавамi монс. Пьетро Паролiн пад
час мiжнароднай канфярэнцыi, якая адбылася ў iтальянскай сталiцы па iнiцыятыве Камiтэта
ААН па здзяйсненню праў палестынскага народа. Нагадаўшы найбольш значныя моманты
Каляднага паслання Бенедыкта XVI° хрысцiянам Святой Зямлi, монс.Паролiн напрыканцы
сваёй прамовы ад iмя Апостальскай сталiцы выказаў упэўненасць у тым, што ў актывiзацыю
мiрных перагавораў рашучы ўклад здолеюць унесцi “розныя рэлiгiйныя канфесыi, якiя
прысутнiчаюць на згаданай тэрыторыi”.