Католікі і дзеячы свету дасылаюць у гэтыя дні віншаванні Бенедыкту 16 з нагоды ягонага
80-годдзя. Французская газета "Croix (крыж)" змясціла юбілейны артыкул.
"Любоў-Езус-Розум; Рэлятывізм "-вось такія галоўныя, знакавыя словы ў навучанні
Папы, які адначасова святкуе й 2-x -годдзe пантыфікату, вылучае уплывовы друкаваны
орган. Рэлятывізм - значыцца, маральнае прыстасаванства, падпарадкаванасць цёмнаму
свету, неабходна перамагаць унутры душаў. Вось галоўны напрамак для здабыцця ў Езусе
разумнае любові. Папа выступае катэхізатарам, педагогам, а не толькі тэолагам. "Ён
не карыстае тэатральнасці і як бы вяртаецца да асноваў хрысціянскага жыцця.Бенедыкт
імкнецца ачысціць Царкву знутры"- адзначаецца ў артыкуле, дзе прыпамінаецца, што яшчэ
будучы на пасадзе Старшыні Кангрэгацыі па веранавучанні, кардынал Язэп Ратцынгер
выказваў пажаданне. каб было меньш дыскусій. але больш малітвы, ён і раней наракаў
на патапленне ў дакументацыі. Па словах кардынала Тарчізіо Бертоне, Дзяржсакратара
Ватыкану, Бенедыкт 16 аніколі не аддаляецца ад рэлігійнага асэнсавання праблем чалавецтва
. Ён думае заўсёды аб Царкве як аб сведку хрысціянскае веры ў багаслоўскім аспекце,
а не аб Царкве палітычнай. За першы год свайго пантыфікату Бенедыкт 16 выступіў
з прамовамі каля 300 разоў - удвая меньш за свайго папярэдніка. Ён таксама ўдвая радзей
з'яўляецца перад публікай, а пры аўдыенцыях для біскупаў, што прыязджаюць у Рым
з візітам ad limina, Папа коратка звяртаецца да біскупства краіны, але шмат
увагі потым надае асабістым гутаркам з самімі прадстаўнікамі нацыянальнага біскупства.
Паказальна, што ў сваіх навучаннях на агульных аўдыенцыях па серадах ён расказвае
аб айцах Царквы: пасля Апосталаў і першахрысціянскіх сведкаў веры, аб настаўніках
і святых. Мэта - на думку кардынала Бертоне - вярнуць Царкву да сваёй хрысціянскай
тоесамасці і сапраўднасці.