Аб тым як прайшла Пасха ў краiнах Азii паведамiў карэспандэнту нашага Радыё кiраўнiк
агенства AsiaNews а.Бернардо Червеллера: “Не меньш за 800 дарослых людзей былi ахрышчаны
ў розных касцёлах афiцыйнай Каталiцкай Царквы ў Пякiне. Усяго ж iх болей за тысячу,
калi ўключыць сюды таксама ахрышчаных у непрызнанай урадам Каталiцкай Царкве. Сярод
прыняўшых Таямнiцу Хросту ёсць заможныя людзi, людзi, якiя займаюцца свабоднымi прафесiямi,
выкладчыкi унiверсiтэтаў, студэнты i бедныя iмiгранты. У Кiтаi, дзе на працягу дзесяцiгоддзяў
панаваў камунiстычны матэрыялiзм, а потым спажывецкi эгаiзм, пытанне рэлiгii з’яўляецца
вельмi важным. Аднак пераследаваннi не спынiлiся. Напрыклад, двух святароў з дыяцэзii
Вендзоў прыгаварылi да 9 i 11 месяцаў зняволення за тое, што яны накiравалiся ў пiлiгрымку
ў Рым, пакiнуўшы Кiтай нелегальна. Многiя суполкi афiцыйна не прызнанай Каталiцкай
Царквы не мелi Вялiкодных Богаслужбаў з нагоды таго, што палiцыя ў гэтыя днi ўзмоцнiла
кантроль. Таямнiцу Хросту прынялi таксама ў Манголii. Ганконгу, Японii, Iндыi,
У’етнаме i Камбоджа. Таксама i ў Таiландзе з’явiлiся новыя хрысцiяне, перад усiм сярод
жыхароў горных плямёнаў, для якiх зрабiцца хрысцьянiнам значыць увайсцi ў свет, дзе
ўжо няма боязi перад злымi духамi i дзе аказваецца дапамога ў галiне выхавання i аховы
здароў’я. Адзначаны выпадкi навярнення ў хрысцiянства таксама i сярод буддыстаў, i
гэта перад усiм дзякуючы сяброўству з хрысцiянамi. У Шры-Ланка касцёлы накiравалi
200.000 уцекачам на поўначы краiны дапамогу, сабраную пад час Вялiкага Посту, i гэта
пад час вайны памiж армiяй i “Тыграмi Тамiла”, якiя спрабуюць падзялiць краiну. У
Карэi Пасха, як перамога жыцця, была засяроджана супраць культуры смерцi – абортаў
i манiпуляцый з эмбрыёнамi, з крытыкай урада, якi фiнансуе лабараторыi для даследвання
эмбрыянальных стваловых клетак. У Iнданэзii, Iраке, Пакiстане ў атмасферы напружанасцi,
якую падтрымлiваюць iсламсiя тэрарысты, вернiкi не адмовiлiся ад вялiкодных святкаванняў.
Таксама i ў гэтых краiнах многiя дарослыя людзi прынялi Таямнiцу Хросту, але гэта
было зроблена патаемна, каб пазбегнуць абвiнавачванняў у празэлiтызме i адмове ад
iсламу.