Pashkë 2007: Urimi i Benediktit XVI në gjuhën shqipe.
(08.04.2007 RV)“Për shumë vjet
Pashkët!” – Po e fillojmë programin e solemnitetit të Pashkëve me urimin e Papës
Benedikti XVI në gjuhën shqipe, drejtuar besimtarëve katolikë shqiptarë në Shqipëri,
Kosovë, Mal të Zi, Maqedoni, ndër Arbëreshë e kudo që jetojnë e punojnë. Bashkojmë
zërin me atë të Atit të Shenjtë për t’u përcjellë besimtarëve të krishterë: katolikë
e ortodoksë, si dhe të gjithë shqiptarëve vullnetmirë, mesazhin e shpresës, të vëllazërisë
e të paqes, që çdo vit në këtë Ditë shenjte rijehon me forcë e duke uruar të ngjallë
në zemrat e të gjithëve, sidomos të familjeve, gëzimin e paqen e Zotit. Krishti
u ngjall! Vërtetë u ngjall! Për shumë vjet Pashkët! Nga mot gëzuar!